४ किलो चरेसलिसें निम्ह ज्वन

येँ – महानगरीय प्रहरी अपराध महाशाखां प्यंगू किलो ६३० ग्राम चरेसलिसें निम्हेसित ज्वंगु दु । महाशाखापाखें खटे जुया वंगु प्रहरीया पुचलं लागू वासः चरेसया कारोबार यायेगु यानाच्वंगु धइगु प्राप्त सुचंया लिधंसाय् धादिङ थाक्रेया रामचन्द्र परियार व सानु भाइ दर्जीयात ज्वंगु खः ।
महाशाखां खटे जुया वंपिं प्रहरीया पुचलं येँ महानगरपालिका १५ वडा अन्तर्गतया चःमति लागां इमित ज्वंगु खः ।

प्रहरीं दर्जीया क्वथाय् खान तलासी काःगु इलय् गुंगू प्याकेटय् ४ किलो ६३० ग्राम चरेस बरामद याःगु खः । ज्वंपिं निम्हेसितं आवश्यक कारवाहीया निंतिं महानगरीय प्रहरी परिसर येँय् छवया बिउगु दुसा थ्व सम्बन्धय् आवश्यक कारवाही जुयाच्वंगु महाशाखां जानकारी बिउगु दु । थ्व हे झ्वलय् फय्गं समाचार च्वयाः अफवाह न्यंकूगु द्वपनय् छम्ह पत्रकारयात ज्वंगु दु ।