ने. सं. ११४६ तछलाथ्व षष्ठी - सिथि नखः कुमार षष्ठी

धर्मोदयसभाया थःगु हे छेँ दनीगु

येँ (नेपालभाषा टाइम्स)- धर्मोदयसभां ७९ दँ फुनाः ८० दँय् क्यंगु लसताय् लाकाः थःगु हे छेँ दनेत जग स्वंगु दु । यलया बालकुमारीइ च्वंगु थःगु हे जग्गाय् संघनायक भिक्षु बोधिसेन महास्थविर, भिक्षु धम्मसोभन, चक्रेश्वर फणिन्द्ररत्न वज्राचार्य व बागमती प्रदेशया उद्योग वाणिज्य मन्त्री रामकृष्ण चित्रकार मंकाः कथं जग स्वनादीगु खः ।

धर्मोदयसभाया महासचिव सागरमान वज्राचार्यं लसकुस यानाः न्ह्याःगु उगु ज्याझ्वलय् मन्त्री चित्रकारं चन्दादाता प्रकाशमान शाक्ययात हनापौ लःल्हानादिल । ज्याझ्वलय् भिक्षुपिं, मन्त्री चित्रकार, बागमती प्रदेशया सांसद शैलेन्द्रमान वज्राचार्यपिंसं भिन्तुना बियादीगु खःसा प्रेमहिरा तुलाधरं सुभाय् देछानादीगु खः ।