टेक्सासय् गर्भपतनया कानूनय् अस्थायी रोक

एजेन्सी÷ अमेरिकाया टेक्सास राज्यय् हःगु विवादास्पद गर्भपतन कानूनयात जिल्ला न्यायाधीशं तत्कालया निंतिं लागु मयायेत आदेश बिउगु दु । कानुनया वैधानिकतायात कयाः थीथी न्ह्यसः वयाच्वंगुलिं बाइडेन प्रशासनया इनापय् जिल्ला न्यायाधीश रोबर्ट पिटम्यानं थ्व आदेश बिउगु खः । जिल्ला न्यायाधीश पिटम्यानं बिउगु आदेशकथंं वैधतायात हाथ्या बियाच्वंगु छुं नं कानून कार्यान्वयन जुइ मखु ।

अमेरिकाया राष्ट्रपति कार्यालयं थ्व फैसलायात टेक्सासय् च्वपिं मिस्तय्गु संवैधानिक अधिकारया पुनःस्थापनाया निंतिं महत्वपूर्ण पलाः जूगु धाःगु दु । थ्व पैmसला धुंकाः टेक्सास राज्यं न्हापांखुसी संवैधानिक पंगःया सामना यायेमालीगु जूगु दु । राज्यया अधिकारीतय्सं फैसला विरुद्ध अपिल यायेफु। राज्यय् रिपब्लिकनया सांसदतय्सं थ्व कानुन हःगु खः ।

टेक्सास राज्यय् मिस्तय्सं खुवाः लिपा गर्भपतन यायेमदइगु कानुन राज्यया जनप्रतिनिधितय्सं हःगु खः । थ्व कानुन वयेवं अमेरिकाया ५० गू हे राज्यय् विरोध जूगु खः ।

सम्बन्धित बुखँ

LEAVE YOUR COMMENTS