बलात्कारया द्वपनय् जिल्ला शिक्षा अधिकारी ज्वन

येँ – बर्दियाया जिल्ला शिक्षा अधिकारी ज्ञानमणि नेपाल विरुद्ध बलात्कारया द्वपनय् मुद्दा दर्ता जूगु दु । नेपालयात जिल्ला शिक्षा अधिकारी निवासय् ब्वंकेगु त्वह तयाः यौन दुब्र्यवहार याःगु छम्ह मिसामचां द्वपं बिउगु दु । निनिम्हेसिथाय् छुं दिं च्वनेत वःम्ह १५ दँया मिसा मचा वंगु बिहिवाः दुब्र्यहारया शिकार जूगु खः ।

विद्यालयय् छुट्टि जुयाच्वंगु इलय् लाक्क निनिम्हलिसें वयाच्वंम्ह मिसा मचायात ब्वंकेगु नामय् प्रमुख नेपालं पाहां क्वथाय् यंकूगु पीडित मिसामचां द्वपं बिउगु दु । निनिम्ह जा थुइत भुतू क्वथाय् वनेवं नेपालं लुखाय् चुकू तयाः ब्वंकेगु त्वह तयाः दुब्र्यवहार याःगु द्वपं दु । नेपालया खोजी जुयाच्वंगु प्रहरी उपरीक्षक जनक भट्टराईनं कनादिल । वय्कःया कथं नेपाल विरुद्ध जबर्जस्ती करणी उद्योगया मुद्दा दर्ता यानादीगु खः ।

सम्बन्धित बुखँ

LEAVE YOUR COMMENTS