दाहाल पक्षया नेकपाय् माधव नेपाल अध्यक्ष

येँ (नेपालभाषा टाइम्स) – पुष्पकमल दाहाल व माधव नेपाल पक्षया केन्द्रीय कमिटीया बैठकं माधव नेपालयात पार्टीया न्हूम्ह अध्यक्ष ल्यःगु दु । बबरमहलस्थित कार्की पार्टी प्यालेसय् जूगु केन्द्रीय कमिटीया बैठकं उगु निर्णय याःगु खः । बैठकय् वरिष्ठ नेता झलनाथ खनालं नेपालयात अध्यक्ष दयेकेगु प्रस्ताव तयादीगु खःसा बैठकं उकियात अनुमोदन याःगु खः ।

बैठकं अध्यक्ष लिसें प्रधानमन्त्री केपी शर्मा ओलीं ऐतिहासिक राजनीतिक परिवर्तन, संविधान, लोकतन्त्र, पार्टी एकता विरुद्ध ज्या याःगुलिं अनुशासनया गम्भीर उल्लंघन जूगु धासें अध्यक्षया जिम्मेवारीं मुक्त यायेगु निर्णय याःगु दु । पार्टी अध्यक्षयात कारबाही यायेधुंकाः खाली जूगु अध्यक्ष पदय् माधव नेपालयात नियुक्त याःगु खः ।

उगु बैठकय् सम्बोधन यासें संसद नेकपाया निम्हम्ह अध्यक्ष पुष्पकमल दाहालं थ्व इलय् संसद विघटन जूगु मखु सरकार जक विघटन जूगु खः धयादिल । वय्कलं छगू तिहाइ दुगु पुचलं स्वंगू तिहाइ केन्द्रीय दुजः थप यायेगु निर्णय याये जिउ कि मजिउ धइगु न्ह्यसः नं तयादिल ।

सम्बन्धित बुखँ

LEAVE YOUR COMMENTS