‘विपिन हमासया कब्जाय् दु’

येँ (नेपालभाषा टाइम्स)- परराष्ट्र मन्त्री एनपी साउदं इजरायलय् न्ह्यानाच्वंगु युद्धय् बेपत्ता जुयाच्वंम्ह नेपाःमि विद्यार्थी विपिन जोशीया स्थिति बारे जानकारी कया बीगु निंतिं अन्तर्राष्ट्रिय संघसंस्था व कुटनीतिक नियोगयात इनाप यानादीगु दु ।

म्हिगः यलया थःगु हे छेँय् अन्तर्राष्ट्रिय समाचार संस्थाया प्रतिनिधितलिसे खँ ल्हासें वय्कलं जोशीया अवस्था सीकेगु निंतिं अन्तर्राष्ट्रिय संघसंस्था, कुटनीतिक नियोगतय्त इनाप यानागु खँ धयादीगु दु । वय्कलं विपिन आक्रमणकारी हमास पुचःया कब्जाय् दयेमाःगु खँ नं धयादीगु दु ।

प्रत्यक्षदर्शी विद्यार्थीतय्सं धाःकथं थाइल्याण्डया छुं विद्यार्थी लिसें विपिनयात नं अपहरण याःगु खः । परराष्ट्र मन्त्री साउदं विपिनयात मालेगु नितिं हमासलिसे स्वापू दुगु राष्ट्रयात नं ग्वाहालि यायेत इनाप यानागु खँ धयादीगु दु । उकथं हे वय्कलं अन्तर्राष्ट्रिय सञ्चार माध्यमपाखें नं विपिनया स्थिति सीकेत इनाप यानादीगु दु ।