न्हूदँया र्यालीइ गुर्जुया पल्टन
येँ (नेपालभाषा टाइम्स)- थुगुसी नेपाल संवत् ११४४ न्हूदँया लसताय् येँया बसन्तपुलिं पिहां वइगु सांस्कृतिक ¥यालीइ नेपाली सेनाया गुर्जुया पल्टन नं सहभागी जुइगु जूगु दु । न्हूदँया र्याली नं येँया छगू महत्वपूर्ण सांस्कृतिक पर्व जुइधुंकूगु व थुकियात राज्यं नं मान्यता बीधुंकूगु जूगुलिं उकिया गरिमा थकायेत थुगुसीनिसें नेपाली सेनाया गुर्जुया पल्टन नं सहभागी जुइत्यंगु खः ।
अथे हे थ्व र्यालीइ थुगुसी नेपाल प्रहरी, सशस्त्र प्रहरी, ट्राफिक प्रहरी व नगर प्रहरी नं थःपिनि पोशाक सहित र्यालीइ सहभागी जुइगु खँ नं धाःगु दु । नेपाल प्रहरी व सशस्त्र प्रहरी थःपिनि बाजं सहित र्यालीइ वयेफुगु खँ नं धाःगु दु ।
थ्वहे झ्वलय् म्हिगः नेपाल संवत् न्हूदँ राष्ट्रिय समारोह समितिपाखें बाजं खलःतय्त केपु लःल्हायेगु ज्याझ्वः जुल । थनया नेपाः ब्यांक्वेटय् केपु लःल्हायेगु लिसें प्रसाद ग्रहणया ज्या नं जूगु खः ।
LEAVE YOUR COMMENTS