‘६० न्हु दुने सम्पत्ति विवरण बुझे या’

येँ – राष्ट्रिय सतर्कता केन्दं्र सार्वजनिक पद धारण यानाच्वंपिं फुकसिनं हे आः वइगु ६० न्हुया दुने थःपिनि सम्पत्ति विवरण बुझे यायेत निर्देशन बिउगु दु । भ्रष्टाचार निवारण ऐन, २०५९ या दफा ५० या उपदफा (१) बमोजिम सार्वजनिक पदय् च्वनाच्वंपिं कर्मचारी, मन्त्रिमण्डलय् दुथ्याःपिं मन्त्री, सेना, नेपाल प्रहरी व सशस्त्र प्रहरीयात थःगु लिसें परिवारया नामय् दुगु सम्पत्तिया विवरण समेत बुझे याये माःगु व्यवस्था दु ।

अल्टिमेटम लिपा नं सतर्कता केन्द्रयात सम्पत्ति विवरण बुझे मयाःपिं कर्मचारीया फाइल अख्तियार दुरुपयोग अनुसन्धान आयोगय् छ्वयेगु खँ केन्द्रं धाःगु दु । उमिगु अज्याःगु फाइलया अनुसन्धान नं अख्तियारं याइगु खँ केन्द्रं धाःगु दु ।ऐनया दफा ५० उपदफा १ स सार्वजनिजक पद धारण यानाच्वंपिं मनूतय् सम्पत्ति विवरण संकलन यानाः राजपत्रय् सूचना पिकासें क्वःछिनातःगु निकाय वा अधिकारी समक्ष लःल्हायेमाःगु खँ न्ह्यथनातःगु दु ।

कानून कथं सम्पत्ति विवरण बुझे मयाइम्हेसित भ्रष्टाचार निवारण ऐन २०५९ या दफा ५० या उपदफा ३ बमोजिम कारबाही याये फइगु व्यवस्था दु । नेपालय् थौंकन्हय् ८२ हजार निजामति कर्मचारी दुसा प्रहरी ६० हजार स्वयां अप्वः दु । अथेहे सेनाय् १ लाख ५ हजार दरबन्दी दुसा सशस्त्र प्रहरीइ ३७ हजारया ल्याखय् कर्मचारी ज्या यानाच्वंगु दु ।

सम्बन्धित बुखँ

LEAVE YOUR COMMENTS