भिंतुना गुथिं सिद्धिरत्न कसाःया पाँय्म्वः पिथन

येँ (नेपालभाषा टाइम्स)- भिंतुना गुथिपाखें थुगुसी न्हूदँ ११४४ या लसताय् नेपालभाषाया साहित्यकार सिद्धिरत्न कसाःया किपा तयाः पाँय्म्वः पिथंगु दु ।
सिद्धिरत्न कसाः झी महाकवि सिद्धिदास महाजुया शिष्य जुयादी । वय्कलं नेवाः भासं कविता व नाटक च्वयेगु लिसें भाषा आन्दोलनया थीथी ज्याझ्वलय् नं ब्वति कयादीगु दु ।

वंगु शुक्रवाः भिंतुना गुथिया जःपिं कुमारी छेँय् वनाः श्री कुमारीया ल्हातिं थुगु पाँय्म्वः विमोचन यायेगु ज्या यानादीगु खः । थ्व पाँय्म्वः ९९९ फाइन वहःयागु खः । थुकी १५ ग्राम वह तयातःगु दु । आवश्यक–पिंसं थ्व पाँय्म्वः बजारय् न्याये फइगु खँ धाःगु दु ।