नवदुर्गाया ख्वाःपाः तयार जुल

ख्वप (नेपालभाषा टाइम्स)- ख्वपया तान्त्रिक महत्वं जाःगु प्रशिद्ध नवदुर्गा प्याखंया ख्वाःपाः दयेकेगु ज्या क्वचाःगु दु । थनया याछेँय् च्वंम्ह ७७ दँया पूर्ण चित्रकारं स्वला तक ज्या यानाः प्याखंयात माःगु १३ पाः ख्वाःपाः दयेकादीगु खः ।

वइगु नवमि कुन्हु थ्व ख्वाःपाः वय्कया छेँय् थ्व ख्वाःपाः ब्वयेगु ज्या जुइसा वयां लिपा प्याखं हुलीपिं स्थानीय वनमाला पुचलं पुजा यानाः थ्व ख्वाःपाः ज्वना वनी । यदि मोहनिबलय् थ्व ख्वाःपाः तयार मजुल धाःसा प्याखं पिकायेत हे समस्या जुइगु खँ धाःगु दु ।

थ्व ख्वाःपाः दयेकेत ‘ब्वचा’ नांगु विशेष कथंया चा छ्यलेगु याइ । तान्त्रिक द्यःपिंसं पुइगु ख्वाःपाः जूगुलिं थ्व दयेकेगु ज्या सुयातं क्यने मजिउगु व गुलिखे ज्या थः याकःचा क्वथाय् च्वनाः यायेमाःगु खँ नं चित्रकारं कनादिल ।

थ्व दँय् द्यःपिनि १३ पाः ख्वाःपाः दयेकेत स्वंगूत्या लाख दां तूगु खँ धाःगु दु । ख्वाःपाः दयेकेत दकलय् अप्वः खर्च कालिगडया ज्यालाय् वनीगु खः ।