पन्तियात सांस्कृतिक संरक्षित क्षेत्र घोषणा यायेगु प्रतिवद्धता
काभ्रे(नेपालभाषा टाइम्स)÷ ऐतिहासिक व धार्मिक महत्वया पन्तियात सांस्कृतिक संरक्षित क्षेत्र घोषणा याइगु जूगु दु । पन्ति नगरपालिकाया प्रमुख रामशरण भण्डारीं पन्तियात सांस्कृतिक संरक्षित क्षेत्र घोषणा यायेगु प्रतिवद्धता प्वंकादीगु खः ।
वंगु शुक्रवाः पन्ति नगरपालिकाया ग्वसालय् व हलिं नेवाः गुथि पन्ति नगर समन्वय समितिया व्यवस्थापनय् पन्तियात विश्व सम्पदाया धलखय् दुथ्याकेत समुदायस्तरय् जूगु वृहत अन्तक्र्रिया ज्याझ्वलय् नवासें नगर प्रमुख भण्डारीं उकथंया बचं बियादीगु खः ।
ज्याझ्वलय् मू वक्ताकथं झायादीम्ह श्रीकृष्ण महर्जनं स्थानीय सरकार संचालन ऐनकथं पन्तियात सांस्कृतिक संरक्षित क्षेत्र घोषणा यायेत गुकथं न्ह्याः वनेगु व उकिया निंतिं दयेमाःगु ऐनया बारे कनादीगु खः ।
उगु इलय् पन्तियात विश्व समपदाया धखलय् दुथ्याकेगु विषयय् समुदायस्तरय् अन्तक्र्रिया नं याःगु खः । ज्याझ्वलय अभियन्ता विदुप्रकाश कायस्थं विश्व सम्पदा सुचीकृतया बारे कनादीगु खः ।
LEAVE YOUR COMMENTS