फोटोग्राफी दिवसय् किपा ब्वज्या

येँ(नेपालभाषा टाइम्स)÷ विश्व फोटोग्राफी दिवसया लसताय् हनुमानध्वाखा लागाय् किपा ब्वज्या जुल । राष्ट्रिय फोटो पत्रकार समूह नेपाल (एनएफपीजे)या ग्वसालय १८४ औं विश्व फोटोग्राफी दिवसया लसताय् उगु किपा ब्वज्या याःगु खः ।

‘तस्वीरय् मस्त’ नां बियाः जूगु उगु किपा ब्वज्या मचाअधिकारया निंतिं सक्रिय गैरसरकारी सामाजिक संस्था सिविन नेपालष ग्वाहालिइ जूगु खः ।
फोटोग्राफी दिवसया लसताय् जूगु किपा ब्वज्याय् मस्तलिसे सम्बन्धित ख्वीपाः स्वयां अप्वः किपा तयातःगु खः ।

किपा ब्वज्याय् मस्तय् गौरवगाथायात चित्रण याइगु किपायात विशेष प्राथमिकता बियातःगु खः । मस्तय् गुकथं लय् तायेके फइ व मस्तय् दथुइ लसता हयेगु ल्याखं उगु किपा ब्वज्या यानागु एनएफपीजेया नायः प्रदीपराज वन्तं कनादिल ।

सम्बन्धित बुखँ

LEAVE YOUR COMMENTS