आः गन बं पुल अन हे भ्वं लित काये दइगु

येँ -महानगरीय ट्राफिक प्रहरी महाशाखां आः ट्राफिक नियम उल्लंघन याइपिं सवारी चालकतय्त लँय् तुं बं पुलाः तत्काल थःगु भ्वं लित काये फइगु व्यवस्था याःगु दु । उकिया नितिं ट्राफिक प्रहरीं ‘पे फाइन अन द स्पट इन्स्ट्यान्ट पेमेन्ट सिस्टम’ थनिंनिसें लागू याःगु दु ।

आः न्हापा थें ट्राफिक प्रहरीं चिट काटे यायेधुंकाः बैंकय् बं पुलाः ट्राफिक कार्यालयय् वनाः भ्वं लित कायेगु समस्या ज्यंगु खँ महानगरीय ट्राफिक प्रहरी महाशाखाया प्रमुख प्रहरी वरिष्ठ उपरिक्षक जनक भट्टराईं कनादीगु दु । तर मापसे याइपिं, लेन अनुशासन पालना मयाइपिं व ह्याउँगु मतया उल्लंघन याइपिं चालकतय्त धाःसा ध्यबा पुलेधुंकाः नं महाशाखाय् वनाः सचेतना कक्षा कयाः जक भ्वं लित बीगु खँ धाःगु दु ।