छपु छपु कविताया छगू छगू सफू

यल – जनकवि दुर्गालाल श्रेष्ठजुया मतिनां जाःगु नेपालभाषाया मचाम्यँेया लिधंसाय् स्वंगू थीथी भासं पिदंगु किपासफूया चिखिफ्यनेज्या जूगु दु । शनिवाः पाटन संग्रहालयया भण्डा क्यबय् जूगु छगू ज्याझ्वःया दथुइ जनकवि दुर्गालाल श्रेष्ठ, ख्यालि जुजु मदनकृष्ण श्रेष्ठ, सुमन श्रेष्ठ, न्ह्यू बज्राचार्य लगायत सफूलिसे स्वापू दुपिं व्यक्तित्वपिंसं मंकाः कथं चिखिफ्यनेज्या यानादीगु खः ।

सफुतिइ बिनिता बुद्धाचार्य, मृगजा बज्राचार्य, सुमन महर्जन, सुरेन्द्र महर्जन आशिष शाक्य व सम्भव महर्जनपिसं किपा च्वयादीगु खः ।सफू पब्लिकेशन व क्युहोतेज कोवया ग्वसालय् जूगु थुगु ज्याझ्वः नेपालभाषा, खस नेपाली व अंग्रेजी यानाः स्वंगू भासं न्ह्याकूगु खः ।नुगःखँ तयेगु झ्वलय् जनकवि श्रेष्ठं मचापिं भाजु÷मय्जुपिंसं ग्वाहालि यात धाःसा अझ नं बांबांलाःगु चिनाखं च्वयेगु बचं बियादिसें न्हूगु पुस्तां थुगु ज्याझ्वःया ग्वसाः ग्वःगुलिं थः तसकं लयताःगु खँ कनादीगु खः ।