ने. सं. ११४४ कौलाथ्व चौथी -

पीएल सिंह अस्पताल भर्ना

येँ (नेपालभाषा टाइम्स)-येँ महानगरपालिकाया पुलांम्ह मेयर पीएल सिंह म्हं मफयाः यलया मेडिसिटी अस्पतालय् भर्ना जुयादीगु दु । ८४ दँ दुम्ह सिंह छुं ई न्ह्यवंनिसें अल्सर ल्वचं पीडित जुयाच्वंम्ह खः ।

वय्कःया किजा इन्द्रलाल सिंहया कथं आन्द्राय् हि वःगुलिं अपरेसन यायेमाःगु खः । वय्कःयात अपरेसन लिपा आः अब्जरवेसनय् तयातःगु दु । भाजु सिंह येँ महानगरपालिकाया मेयर व लिपा मन्त्री जुयादीगु खः ।