ने. सं. ११४६ तछलाथ्व षष्ठी - सिथि नखः कुमार षष्ठी

बीरया डाक्टरपाखें मंकाः राजीनामा

येँ (नेपालभाषा टाइम्स) – वीर अस्पतालया इमर्जेन्सी वार्डय् ज्या याइपिं १६ म्ह डाक्टरतय्सं मंकाः कथं राजीनामा बिउगु दु । थौंकन्हय् कोभिड महामारीया इलय् नं थःपिंत छुं हे सेवा सुविधा मबिसे ज्या याका तल धासें उमिसं मंकाः राजीनामा बिउगु खः । थःपिंत ज्यालादारी धकाः हेपे यासें वालय् ९६ घौ तक ज्या याकूगु व थ्व वापत छुं हे भत्ता मबिउगु लिसें थःपिनि माग तकं पूरा मयाःगु धासें राजीनामा बियागु खँ उमिसं धाःगु दु ।