मञ्जुश्रीया मूर्ति अनावरण

ख्वप(नेपालभाषा टाइम्स)- थनया सुडालस्थित ल्हासापाक्व ससुमाजु क्षेत्रय् महामञ्जुश्रीया देगः अनावरण याःगु दु । करिब ४ फिट तःधिकःम्ह महामञ्जुश्रीया मूर्ति थापना अनावरण याःगु खः ।

महामञ्जुश्रीया मूर्ति बागमति प्रदेशया उद्योग, वाणिज्य व आपूर्ति राज्यमन्त्री रजनी अमात्य जोन्छेँ अनावरण यानादीगु ख ः । ४ फिट तःधिकःम्ह लुँया जलप तयातःगु महामञ्जुश्रीया उगु मूर्ति यलया ओकुबहालय् च्वनादीम्ह राजेश शाक्यं दान यानादीगु खः ।

गुथि संस्थान ख्वप व महामञ्जुश्री गुरताफु गुम्बाया फूल्चो ल्हामो आनीया ग्वसालय् जूगु ज्याझ्वःया इलय् महामञ्जुश्रीया मूर्ति परिसर लिक्कं निर्माण याःगु पुखूया नं उलेज्या याःगु खः ।

ज्याझ्वलय् चीनया निंतिं नेपाःया राजदूत टंक कार्की, गुथि संस्थानया प्रमुख प्रशासक किरण शाक्य, नवनिर्वाचित बागमति प्रदेश सांसदलिसें भक्तपुर बौद्ध संघया अध्यक्ष त्रिरत्न शाक्य, चाँगुनारायण नगरपालिकाया प्रमुखलिसे जनप्रतिनिधि, भिक्षु, उपासक उपासिकाया उपस्थिति दुगु खः । मूर्ति अनावरण स्वयां न्ह्यः एशियाली बौद्ध संस्थाया सक्रियताय् कमलविनायकनिसें दीप प्रज्वलन यानाः पदयात्रा नं याःगु खः ।