त्यंगः गणेद्यः ल्याय्म्ह पुचःया स्वक्वःगु तःमुँज्या

येँ(नेपालभाषा टाइम्स)- त्यंगः गणेद्यः ल्याय्म्ह पुचःया स्वक्वःगु तःमुँज्या वंगु शनिवाः जुल । तःमुँज्याय् पुचःया एसइइ व स्नातक उत्तीर्ण दुजःपिंत हनेज्या नं याःगु खः ।

पुचःया नायः बालकृष्ण महर्जनया सभापतित्वय् न्ह्याःगु तःमुँज्याय् मूपाहांकथं झायादीम्ह त्यंगः त्वाः खलःया नायः धनबहादुर तिमिलां त्वाःदेवाय् मत च्याकाः ज्याझ्वःया उलेज्या यानादीगु खः ।

तःमुँज्याय् पुचःया छ्याञ्जे चन्द्रमान महर्जनं वार्षिक प्रतिवेदन व दांभरिं नानीकाजी महर्जनं आर्थिक प्रतिवेदन न्ह्यब्वयादीगु खः ।

पुचःया न्वकु मणिकन्ठ महर्जनं लसकुस यानादीगु ज्याझ्वलय् पाहांकथं झायादीपिं खलःया स्वम्हम्ह थाकुलि नापं त्वाः कजि कृष्णनारायण महर्जन, प्यम्हम्ह न्वकु पंच महर्जन, गुरु धर्म महर्जन, निवर्तमान नायः कुलबहादुर महर्जन, मिसा पुचःया नायः नानीहिरा महर्जन व हामू हरिनारायण महर्जन व पुचःया दुजः मंजिल महर्जनं नं नुगःखँ तयादीगु खः ।

ज्याझ्वलय् पुचःया दुजः पुष्प महर्जनं सुभाय् देछानादीगु खः ।