तोखाया सतकय् प्यसलं मल्याक मत
येँ(नेपालभाषा टाइम्स)- तोखा नगरपालिकाया सतकय् प्यसलं मल्याक सतक मत जडान याःगु दु । नगरपालिकां ‘मेयर उज्यालो कार्यक्रम’ अन्तर्गत ४३४ सतक मत जडान याःगु खः ।
आर्थिक दँ ०७९÷८० लय् उगु ज्याझ्वः अन्तर्गत सतक मतलिसें १३० गः सीसी क्यामरा नं थीथी थासय् जडान याःगु दु । नगरपालिकाया उपप्रमुख मुरारी तामाङं मेयर उज्यालो कार्यक्रम अन्तर्गत तोखा दुनेया थीथी सतकय् सतक मत व सीसी क्यामरा जडान यानागु जानकारी बियादीगु दु ।
तोखा नगरपालिकां थुगु आर्थिक दँय् २ व ६ वडाया व नगरपालिकाया प्रशासकीय भवन निर्माण सम्पन्न यायेधुंकूगु दु । थुकथं हे ऐतिहासिक सम्पदाया पुनःनिर्माण, सार्वजनिक भवन, ताल, पुखू संरक्षणलिसें आपालं पूर्वाधार निर्माणया ज्या जूगु वय्कलं जानकारी बियादिल ।
वय्कलं थुगु आर्थिक दँय् १२ किलो मिटर स्वयां अप्वः पक्की सतक निर्माणलिसें ३ किलोमिरट स्वयां अप्वः ब्लक लायेगु, ताँय् कल्भर्ट निर्माण, धः दयेकेगु व मर्मत यायेगु, त्वनेगु लःया निंतिं पाइप लाइन लायेगु व मर्मत यायेगु ज्या जुइधुंकूगु नं जानकारी बियादीगु दु ।
LEAVE YOUR COMMENTS