भाषाया कानून दयेकेत भूमिका म्हितेगु बचं

येँ (नेपालभाषा टाइम्स)÷बाग्मती प्रदेशया कृषि तथा पशुपन्छी मन्त्री राजेन्द्रमान श्रेष्ठं बाग्मती प्रदेशय् नेपालभाषा व तामाङ भाषायात प्रदेशया सरकारी ज्याखँया भाषा दयेकेगु कानूनया निंतिं विधेयक पारित यायेत भूमिका म्हितेगु बचं बियादीगु दु । वंगु शनिवाः वय्कःयात बधाई नापं भिंतुना बिउवंगु नेवाः देय् दबूया पुचःयात वय्कलं थ्व खँ धयादीगु खः । भिंतुना देछायेत नेवाः देय् दबू स्वनिगः प्रदेशया नायः श्रीकृष्ण महर्जन, वरिष्ठ न्वकु नवीन थेच्वमि लगायतया पुचः वंगु खः ।