न्यान्हु न्ह्यः जक अस्पतालय् मचा बुइकूम्हेसित नं कोरोना

यल – थौं कोरोना भाइरसाया संक्रमण जूपिं मध्ये छम्ह मिसा यलय् च्वनीम्ह खः । स्वास्थ्य तथा जनसंख्या मन्त्रालयया कथं थौं संक्रमित जूपिं १ सय ८९म्ह मध्ये छम्ह यलया २३दँया मिसा खः । यल महानगरपालिका वडा नम्बर २७या सुनाकोठी च्वनीम्ह उम्ह मिसां जेठ १२ गते जक किस्ट अस्पतालय् मचा बुइकूगु खँ सीदुगु दु ।

जेठ ११ गते अस्पताल भर्ना जुम्ह उम्ह मिसां अस्पतालय् भर्ना जूगु कन्हय् कुन्हु मचा बुइकूगु खः । अस्पतालय् भर्ना जुइधुंकाः अस्पतालं हे कोरोना परीक्षण यानाः राष्ट्रिय जनस्वास्थ्य प्रयोगशालाय् परीक्षणया निंतिं छ्वःगु खः । परीक्षणया लिच्वः शनिवाः जक वःगु खः । तर उम्ह मिसा धाःसा जेठ १५ गते हे अस्पतालं डिस्चार्ज जुइधुंकूगु दु ।

उगु हे अस्पतालय् वासः याकाच्वम्ह ५७दँया मिजं कोरोना संक्रमणया कारणं अस्पतालय् सीवं मिसायात कन्हय् कुन्हु डिस्चार्ज याःगु खः । डिस्चार्ज जुइधुंका सुनाकोठी थः छेँजः नाप च्वनाच्वंगुलिं आः छेँजःपिंत नं कोरोनाया परीक्षण यायेगुत तयारी जुयाच्वंगु दु । संक्रमित मिसाया अवस्था धाःसा सामान्य दुगु खँ धाःगु दु ।

सम्बन्धित बुखँ

LEAVE YOUR COMMENTS