रास्वपया थिमि नगर कमिटी गठन

थिमि(नेपालभाषा टाइम्स)- राष्ट्रिय स्वतन्त्र पार्टी (रास्वपा)या मध्यपुर थिमि नगर कमिटी गठन याःगु दु । थिमिइ जूगु छगू भेलां न्हुछेरत्न मानन्धरया अध्यक्षताय् झिंस्वम्हेसियन नगर कमिटी गठन याःगु खः ।

शंखधर चोकय् च्वंगु यचु पार्टी भेन्युइ जूगु भेलां नगर कमिटीया उपसभापतिइ स्मृति भट्टराई श्रेष्ठ, सचिवय् मुरारी नेपाल व कोषाध्यक्षय् समीर पौडेल च्वनादीगु दु । थुकथं हे दुजलय् गुञ्जना ढुंगाना, आराधाना बर्मा, अमित दाहाल, सुवास कोइराला, शैलेस जोशी, नरेशराज वज्राचार्य, श्याम जोशी, अश्विन खनाल व उषा प्रजापति च्वनादीगु दु ।

भेलायात संबोधन यानादिसें येँ क्षेत्र नं ८या प्रतिनिधिसभा सदस्य विराजभक्त श्रेष्ठं आःया राजनीतिक दलया नेतातय्सं विकल्प मालेमाःगु अवस्था वःगु दु धयादिल । लिसें वय्कलं स्थानीय सरकार अधिकार सम्पन्न जूसां पलिाका व वडास्तरय् जुयाच्वंगु विकास निर्माण व योजनाया ज्या् निगरानी तयाच्वनेमाः धयादिल ।

ज्याझ्वलय् पार्टी केन्द्रीय दुजःलिसें सांसद सन्तोष परियार, विन्दवासिनी कंशकार, पार्टी केन्द्रीय दुजः कुसुम महर्जन, प्रमिला कुलुजु, ख्वप व यल जिल्ला, चाँगुनारायण व सूर्यविनायक नगर सभापतिया नं सहभागिता दुगु खः ।