देउवायात भोट बिउपिं एमाले सांसदतय्गु छेँय् छेँय् हे पुत्ला च्याकल

येँ- नेकपा एमाले समर्थित युवा संघ नेपालया कार्यकर्तातय्सं म्हीग सदनय् प्रधानमन्त्री शेरबहादुर देउवाया पक्षय् भोट बिउपिं माधव नेपाल पक्षया सांसदतय्गु छेँय् छेँय् हे वनाः उमिगु पुत्ला च्याकेगु ज्या याःगु दु । म्हिगः युवा संघ येँ क्षेत्र नम्बर २ या कार्यकर्तातय्सं वरिष्ठ नेता माधव नेपालया छेँ न्ह्यःने वनाः नाराबाजी यासें नेपालया पुत्ला च्याकूगु खः । अन जूगु प्रदर्शनया झ्वलय् प्रहरीं नेता नेपालया पुत्ला लाकाकाःगु खः ।

अथे हे म्हिगः यलय् नेपाल पक्षीय सांसद कृष्णलाल महर्जनया छेँ न्ह्यःने वनाः सांसद महर्जनया नं पुत्ला च्याकूगु खः । लिसें उमिसं म्हिगः हे स्वयम्भू लागाय् उगु क्षेत्रया सांसद जीवनराम श्रेष्ठया नं पुत्ला च्याकूगु खः । ओली पक्षीय युवा संघं नेपाल पक्षया मेमेपिं सांसदतय्गु नं पुत्ला च्याकाः फ्लोर क्रसया विरोध यायेगु ज्याझ्वः दयेकाच्वंगु खँ सीदुगु दु ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत