ने. सं. ११४४ चौलाथ्व दशमी -

गुथि विधेयक बारे कानूनविद्लिसे सहलह

येँ – सरकारं हानं हयेत्यंगु गुथि विधेयकय् थःपिनि अनुकुलया प्रावधान दुथ्याके बीगु लागिं गुथि विधेयक विरुद्धया एकीकृत आन्दोलनं सहलह ज्याझ्वः न्ह्याका हःगु दु । थ्वहे झ्वलय् आन्दोलनपाखें कानून व्यवसायीतलिसे थुकियात कयाः सहलह याःगु दु । विधेयकय् छु गज्याःगु बुँदा दुथ्याकल धाःसा नेवाःतय्गु गुथि संरक्षण याये फइ धइगु बारे सहलह न्ह्याकूगु दु । सरकारं थ्व बारे नेवाः समुदायया राय माग याःगु खः ।