स्वंगू तहया सरकार, ज्याय् धाःसा अलमल
प्रसस्त बहुमतया सरकारयात राजनीतिक हाथ्या बी फइगु अवस्थाय् नेपाली कांग्रेस नं मदु । संघीय संसदय् न्हापा न्हापा थें ग्वाःग्वाः दलत नं मदु । जम्मा न्यागू दल जक संसदय् दु । एमाले व माओवादी केन्द्रया सहकार्यं यानाः सरकार झण्डै दुई तिहाइया बहुमतय् दु । संविधान जारी जूगु इलय् थें संविधानयात कयाः असन्तुष्टि व विरोध नं दम मदुगु घडी दिउ थेंं हे दिनाच्वंगु दु ।
उकिं सरकार संचालनय् केन्द्रय् जक मखु कि प्रदेश व स्थानीय तहया सरकारयात देय्या नितिं छुं ज्या याना क्यनेगु अवसर दु । विपक्षीया कारणं, राजनीतिक अस्थिरताया कारणं ज्या याये मफुत धकाः छुट दइगु अवस्था मदु । थ्व स्वंगू हे तहया सरकारं थम्हं छु यायेगु खःदृढ संकल्प ज्वनाः ज्या यायेत स्वल धाःसा नेपाःया कर्मचारीतन्त्र तकं थासय् तयाः ज्या याके फइगु अवस्थाय् दु ।
उलि जक मखु कि दृढ इच्छाशक्ति ज्वनाः सरकारं ज्या यात धाःसा कर्मचारी तन्त्र, उद्योगी व्यवसायीनिसें गुगुं नं शत्ति सरकारया निर्णययात चुनौति बी मफइगु अवस्थाय् दु । थुज्वःगु अवसर इतिहासय् लिसा लिसा कयाः वइमखु । थ्व अवसरया महत्व स्थानीय तहलय् त्याःपिं, प्रदेशय् त्याःपिं व संघीय संसदंनिसें केन्द्रीय सरकारय् थ्यंपिंसं गुलि सिरियस जुयाः काल धइगु छुं ई दुने उमिसं याःगु ज्याया लिच्वलं नं क्यनी ।
प्रदेश सरकार गठन जुयाः प्रदेशया मुख्यमन्त्री जूपिं मन्त्री जूपिं झण्डा दुगु गाडी इरुथिरु
जूगु नं लांलां दइगु जुल । गुलि थासय् प्रदेश सरकारया हकय् कर्मचारी हे मथ्यनाः मन्त्रालय खः कि कार्यालय खः धइगु नं सीमदु ।
स्थानीय सरकारया ज्या स्थानीय तहया चुनाव क्वचायेकाः कार्यकाल शुरु जूगु दछि दइन तर न्हूगु नेतृत्वं छुं ज्या यानाः क्यनीगु जुल धइगु खँ ब्याके छिंक ज्या मजू । स्थानीय तहया सरकारया ज्या प्रति स्थानीय जनताया असन्तुष्टि शुरु जुल धइगु नेतृत्वं वाःचायेके हथाय् जुल न्हां । स्थानीय तहलय् एमाले माओवादी केन्द्रया निर्वाचित जनप्रतिनिधित यक्व त्याःगु दु ।
अथे धकाः कांग्रेस त्याःथाय् नं उल्लेखनीय छुं हे ज्या जूगु मदु । येँ महानगरपालिकाया सन्दर्भय् गुलि आलोचनात न्यने दया वःगु खनेदु यल व ख्वपया हकय् कम आलोचना जक जुल धकाः क्यनेथाय् मदु । थ्व दच्छि स्थानीय तहया सरकार न्हूगु जूगुलिं, गुलि थासय् कर्मचारीं यानाः ज्या याये मफुत धकाः चीके धाये का तर वइगु दँय् नं वहे मुलु वहे सुका जुल धाःसा असन्तुष्टि क्यनेत विपक्षी दल हे माः धइगु मदु ।
विपक्षी बमलाः धकाः, जनता हालां छुं जुइ मखु धकाः, वन धाःसा लिच्वः थःपिंत हे लाइ । आलोचना याःपिं, सुझाव बिउपिं व विरोध याःपिं फुक्क विरोधी हे खः धकाः थुइकाः वन धाःसा व थें तःधंगु भूल मेगु जुइ मखु । न्हापा स्थानीय निकाय जुयाः आः स्थानीय सरकारया रुपय् निर्वाचित जनप्रतिनिधित दयेधुंकल तर न्हापा कर्मचारीतसें न्ह्याकाच्वंगु स्थानीय निकाय व आः जनप्रतिनिधितय्सं न्ह्याकाच्वंगु स्थानीय सरकारया दथुइ तात्विक भिन्नता खने दयेमाल ।
अले जक निर्वाचित जनप्रतिनिधि दुगु महसुस जुइ । निर्वाचित जनप्रतिनिधित वयाः स्थानीय तहं म्हइगु कर जक अप्वयेकल धाःसा जनताया असन्तुष्टि जक अप्वइ । कर म्हः थें विकास निर्माणया ज्या नं खनेदयेक जुइमाल । विकास निर्माणया ज्या जुइबलय् न्हापाकर्मचारीतसें चले याःगु थें गुणस्तर मदुगु विकास निर्माण मजुइ माल । जनताया करयात सही सदुपयोग यायेगु खँय् नं ध्यान वनेमाःगु खनेदत ।
प्रदेश सरकारया हकय्प्रदेश सरकार गठन जुयाः प्रदेशया मुख्यमन्त्री जूपिं मन्त्री जूपिं झण्डा दुगु गाडी इरुथिरु जूगु नं लांलां दइगु जुल । गुलि थासय् प्रदेश सरकारया हकय् कर्मचारी हे मथ्यनाः मन्त्रालय खः कि कार्यालय खः धइगु नं सीमदु धइगु चर्चा दु । कानून व अधिकारया स्पष्ट ब्याख्या व कार्यक्षेत्र स्पष्ट मजूगुलिं प्रदेशं छु यायेगु धइगु खँय् तक प्रदेशया मुख्यमन्त्री व मन्त्रीत अलमल हे धाःसां जिउ ।
प्रदेशया विधायकतय्सं छु यानाच्वन धइगु विजनेश बीगु तहलय् प्रदेश सरकार गुबले थ्यनीगु खः थ्व हे पारां न्यादँ जकं फुइगु खःला धइगु प्रदेशया विधायकत चिन्तित दु । थःगु थासय् छुं ज्याया प्रस्ताव ज्वनाः प्रदेश सरकारयाथाय् वनेगु वा केन्द्रीय सरकारयाथाय् वनेगु गनं मर्यादाक्रम कथं थः स्वयां क्वय् दुपिं मेयर उपमेयरयात जकं धाः जुइगु धइगु अलमलय् प्रदेशया विधायकत खनेदु ।
संघीय सरकार खँ मखु ज्याया शुरुवात जूगु स्वये मालराजनीतिक अधिकारया लडाइँ क्वचाल आः समृद्धिया निंतिं जाये नु । एमाले व माओवादी केन्द्रया गुलि नेतातय्सं सार्वजनिक रुपं न्ववायेगु याः । छगू कथं राजनीतिक अधिकारया लडाइँ क्वचाःगु खनेदुसां वास्तविक रुपं क्वचाःगु धाःसा मखु । जनताय् वंगु ख्वीदँनिसें राजनीतिक अधिकारया मुद्दाय् जक देय् तक्यनाच्वंगुलिं मुख्य राजनीतिक अधिकारया खँत आन्दोलन मार्पmत संविधानय् लिपिवद्ध जूगु दु ।
तर समावेशी व सामुदायिक अधिकारया आन्दोलनया मागत अझ नं क्वचाःगु धाये मछिं । समानुपातिक समावेशीता व्यवहारय् खने मदुनि । तर थ्व मुद्दायात छुं काल तक न्ह्यःने यंके मफइगु अवस्थाय् दु । आमजनताया ध्यान यक्व राजनीतिक आन्दोलन जुयाः देय् लिउने लानाच्वन । राजनीतिक दलतय्सं धाःथें संविधानसभा क्वचायाः, गणतन्त्र सहित संघीय व्यवस्था नं लागू जुइधुंकल ।
बहुमत सहितया सरकार नं संघय् जक मखु कि प्रदेशय् नं गठन जुइक निर्वाचनं म्याण्डेत बीधुंकल । का छिमिसं ज्या यानाः क्यँ मेमेगु ल्यं दनिगु अधिकारया नितिं आः हालाच्वने मखुनि धइगु कथंया जनताया म्याण्डेट वंगु चुनावय् खनेदत ।
प्रधानमन्त्री केपी ओलीपाखें न्हून्हूगु योजनाया घोषणा यानाः लोकप्रिय जुल धकाः व हे लँपुइ सुं सुं मन्त्रीत वनेत नं स्वःगु खनेदु । तर मन्त्रीतय्सं बकंफुस्लु गफ मखु ज्या याःगु खने दयेमाल ।
बागमति खुसिइ स्वीमिङ याये जीक विकास यायेगु धायेगु स्वयां बागमति लगायत स्वनिगःया खुसिइ स्वानाच्वंगु धः ल्वाका मछ्यायेगु ज्याय् जक प्रगति यानाः क्यने फुसां गाः । मखु धइगु खःसा थःपिंसं हे पिकानागु चुनावी घोषणा पत्रयात लुमंकाः छुं छुं योजना न्ह्याकेगु जक याये फत धाःसां काफी गाः ।
LEAVE YOUR COMMENTS