ग्लोकल टिनया एक्टिभेसन सुरु

येँ – देय्या थीथी थासय् च्वनाच्वंपिं न्हूगु सीप व प्रभाव दुपिं नचापिं ल्याय्म्ह ल्यासेतय् दथुइ ग्लोकल टिन हिरोया ह्वःताः बारे जानकारी बीत ग्लोकल प्रा.लिं नेपाःया पूर्वी ब्वं एक्टिभेसन सुरु याःगु दु । ग्लोकल टिन बारे जानकारी बीगु निंतिं प्रदेश १ या झिंखुगू स्कुलया स्वद्वलं मल्याक विद्यार्थीपिंथाय् ग्लोकल प्रालि थ्यंगु दु ।

ग्लोकल टिन नचापिं ल्याय्म्ह ल्यासेतय्के दुगु प्रेरणा व उत्साहयात प्रस्तुफुटन यानाः उमिसं समाजय् याःगु प्रभावकारी ज्याया कदर यानाः मेपिंत नं उकिया जानकारी बीगु निंतिं न्ह्याकाच्वंगु कार्यक्रम खः । थ्व ज्याझ्वलं नचापिं ल्याय्म्ह ल्यासेतय्के दुगु उत्साह, रचनात्मक व सुरुवाती चाहनायात म्हसीका देय्या मेमेपिं ल्याय्म्ह ल्यासेतय्के नं उद्यमी सोचाइ विकास यायेत उत्प्रेरित याइगु खँ ग्वसाः खलकं धाःगु दु । वाईवाईया प्रायोजनय् ‘वाइवाइ ग्लोकल टिन हिरो’ या नामं संचालन जुयाच्वंगु थ्व ज्याझ्वः आः न्याक्वःगु संस्करणय् थ्यंगु दु ।

वाइवाइ ग्लोकल टिन हिरो नेपाल २०१९या निंतिं साउन १५ गते तक अनलाइनपाखें निःशुल्क आवेदन बीफइगु खँ धाःगु दु ।

सम्बन्धित बुखँ

LEAVE YOUR COMMENTS