
येँ – अर्थमन्त्री डा. युवराज खतिवडां चालु आर्थिक दँया निला दुनेया आर्थिक सुचकांक सकारात्मक दुगु दावी यानादीगु दु । नेपाल आर्थिक पत्रकार समाज (सेजन)या अर्थ मन्त्रालयय् याःगु पत्रकार सम्मेलनय् अर्थमन्त्री खतिवडां साउन व भदौ महिनाय् जक छगू खर्ब २० अर्ब राजश्व मुंगु व चालु खर्च ९६ अर्ब व पूँजीगत खर्च ६ खर्ब जुइधुंकूगु खँ धयादीगु खः ।
वय्कलं वंगु आर्थिक दँय् थ्व हे अवधिइ स्वयां थुगुसी ३७ प्रतिशतं राजश्व अप्वः संकलन जूगु खःसां पुँजीगत खर्च धाःसा सन्तोषजनक जुइमफुगु खँ धयादिल । मन्त्री खतिवडां तरलताया अभाव मजूगु, पुँजी बजारय् सुधार वयाच्वंगु, करया दायरा अप्वया वनाच्वंगु, त्यासाया ब्याजदरय् सुधार जूगु दावी नं यानादीगु खः ।
अथेहे वय्कलं राजश्व व आम्दानीया खर्च प्रणालीयात पारदर्शी यायेत ईसेवा संचालनय् वःगु लिसें सार्वजनिक नीति लगानी सम्बन्धी विधेयक पेश यायेगु तयारी जुयाच्वंगु खँ नं कनादीगु खः ।
येँ (नेपालभाषा टाइम्स)÷ चिकित्सा विज्ञान राष्ट्रिय प्रतिष्ठान –न्याम्स)या उपकुलपतिया निंतिं डि एन शाह, ढुण्डी पौडेल व अजित रायमाझीया नां सिफारि याःगु दु ।
न्याम्सया सहकुलपति व स्वास्थ्य तथा जनसंख्या मन्त्री उपेन्दं यादवं झिंखुम्ह चिकित्सकत मध्ये कार्यक्षमताया आधारय् स्वम्हेसिया नां सिफारिस याःगु खँ धाःगु दु । आः न्याम्सया कुलपति व प्रधानमन्त्री केपी ओलीं स्वम्ह मध्येय् छम्हेसित कुलपतिइ मनोनयन याइ ।
LEAVE YOUR COMMENTS