बुंगद्यःयात रथय् बिज्याकाः जात्रा न्ह्यात
- नेपालभाषा टाइम्स
- ११४३ बछलाथ्व पारू
- किपा-पबुंगद्यःयात रथय् बिज्याकाः जात्रा न्ह्यात
यल (नेपालभाषा टाइम्स)÷बुंगद्यः जात्राया झ्वलय् म्हिगः थनया पूच्वय् दयेकातःगु रथय् बुंगद्यः बिज्याकेगु ज्या जुल । थनया तःबहालय् तयातःम्ह बुंद्यःयात खतय् तया हसें पूच्वय् रथय् बिज्याकेगु ज्या जूगु खः ।
बुंगद्यःयात वा वयेका बीम्ह वर्षाया द्यः धाइ । उकिं बुंगद्यःयात रथय् बिज्याकीबलय् न्ह्याबलें वा वइ धइगु पुलांपिं मनूतय् धापू दु । म्हिगः नं बुंगद्यः रथय् बिज्याकेगु ज्या जुयाच्वंगु इलय् छझाः तच्वकं वा वःगु खः । थ्व वा यलय्पाखे अप्वः वःगु खःसा येँय् नं छुं छुं थासय् वःगु खः । उकथं हे जावला– ख्यलय् भोटो क्यनी कुन्हु नं छझाः वा वइ धइगु धापू दु ।
म्हिगः बुंगद्यःयात रथय् बिज्याकूगुयां प्यन्हु लिपा द्यःया रथ सालेगु ज्या जुइ । थ्व ल्याखं आः वइगु सोमवाः बुंगद्यः सालीगु जूगु दु । सोमवाः बुंगद्यःयात पूच्वं सालाः गाःबहालय् थ्यंकी । द्यः साले धुंकल कि थ्व जात्रा लत्या तक न्ह्याइगु चलन दु । उकिं बुंगद्यःयात जात्रायात नेपाःया हे दकलय् ताःहाकःगु जात्रा धाइ । अन्तिम न्हि कुन्हु जावलाख्यलय् भोटो क्यनाः बुंगद्यःया बुंगय् तुं लित बिज्याकी ।
LEAVE YOUR COMMENTS