
ख्वप(नेपालभाषा टाइम्स- अनलाइनय् नक्कलि विज्ञापन तयाः ठगे याःम्ह छम्हेसित ज्वंगु दु । अनलाइनय् थिकेगु आइफोनया मोबाइल सेटया किपा तयाः दंगु भावं बीगु धकाः आकर्षक विज्ञापन तयाः ठगी याःगु धासें प्रहरीं उपेन्द्र शाही नांया छम्हेसित ज्वंगु खः ।
हुम्ला छेँ जुयाः थन च्वना वयाच्वंम्ह शाहीं ‘हाम्रो बजार डटकम’ नांया अनलाइन संचालन यानाः उकथं नक्कलि विज्ञापन तयाः ठगीया ज्याय् संलग्न जुयाच्वंगु धासें वयात ज्वंगु खः ।
शाहीं थुकथं अनलाइनय् विज्ञापन पोष्ट यानाः थःगु सम्पर्कय् वःपिंत मोबाइलया भाः, डेलिभरी, कुरियर चार्ज आदि प्रयोजनय् ध्यबा लगे जुइगु धासें ठगी याना वयाच्वंगु खुलासा याःगु दु । प्रहरीयाकथं सम्पर्कय् वःपिंत थःगु खाताय् ध्यबा छ्वया हयेत धाःगु व वयां लिपा वेपत्ता जुइगु याना वयाच्वंगु खः।
LEAVE YOUR COMMENTS