लकडाउन जेठ ५ गते तक थप

येँ – सरकारं जेठ ५ गते तकया निंतिं लकडाउनया ई थप याःगु दु । थौं च्वंगु मन्त्रिपरित्रद्या मुज्यां लकडाउनया ई थप यायेगु निर्णय याःगु खः । वैशाख २५ गते तक घोषणा यानातःगु लकडाउन क्वचाये छन्हु न्ह्यः सरकारं ई थप याःगु खः ।

थ्व स्वयां न्ह्यः मंगलवाः च्वंगु कोभिड–१९ रोकथाम व नियन्त्रण सम्बन्धी उच्चस्तरीय समन्वय समितिया मुँज्यां लकडाउन छवाःया निंतिं थप यायेत सुझाव बिउगु खः । नापं नेपाःया ७७गू जिल्लायात जोखिमया आधारय् विभाजन यानाः लकडाउन छ्वासुकेत सुझाव बिउगु खः ।

चैत ११ गते निसें सुरु जूगु लकडाउन थौं ४४न्हु थ्यंगु दु ।