हलिं नेवाः दिवसय् जनकवि दुर्गालालयात हनीगु
येँ (नेपालभाषा टाइम्स)- हलि नेवाः दबू नेपाः कवःपाखें हलिं नेवाः दिवस प्रधानमन्त्री पुष्पकमल दाहालया उपस्थितिइ तःजिक हनीगु जूगु दु । नेपाः कवःया नायः सुरेन्द्रभक्त श्रेष्ठं म्हिगः छगू पत्रकार सम्मेलन यासें येँया बसन्तपुली जुइगु ज्याझ्वलय् प्रधानमन्त्री दाहाल मूपाहाँ कथं झाइगु जानकारी बियादीगु खः ।
‘सांस्कृतिक प्रवद्र्धनया निंतिं हलिं नेवाः दिवस’ धयागु नारा बियाः न्ह्याइगु ज्याझ्वलय् जनकवि दुर्गालाल श्रेष्ठयात नेवाः विशेष हना लःल्हाइगु जूगु दु । अथेहे ज्याझ्वलय् पुलांम्ह प्रधानन्यायाधीश कल्याण श्रेष्ठ, सशस्त्र प्रहरी बलया पुलांम्ह आईजीपी सिंह बहादुर श्रेष्ठ, न्हापांम्ह चलचित्र अभिनेत्री चैत्यदेवी सिंह, वरिष्ठ समाजसेवी सुवर्णकेशरी चित्रकार, वरिष्ठ संस्कृतिविद्÷इतिहासविद् प्रा.डा. त्रिरत्न मानन्धर, वरिष्ठ हस्तकला कलाकार चिनकाजी ताम्राकार, उद्योगी÷व्यवसायी रुपज्योति कसाः, वरिष्ठ पत्रकार नातिकाजी महर्जन, वरिष्ठ गणितज्ञ ज्योतिष देवनारायण महर्जन, अन्तर्राष्ट्रिय कुस्ति कासामि लेडी ड्रागन मुना श्रेष्ठ, वरिष्ठ पर्यटन व्यवसायी कर्ण शाक्य, वरिष्ठ साहित्यकार मथुरा साय्मि व वरिष्ठ कूटनीतिज्ञ – पूर्वराजदूत केदारभक्त माथेमालिसें कास्की नेवाः खलःयात हनीगु ज्याझ्वः दु ।
अथेहे ज्याझ्वलय् वरिष्ठ गायक रमेश ताम्राकार लुमन्ति सिरपाः वरिष्ठ म्ये हालामि प्रवेशमान शाक्ययात लःल्हाइगु जूगु दु ।
LEAVE YOUR COMMENTS