सुमार्गीया स्याटलाइट कम्पनी खारेज जुइगु

येँ – नेपाल स्याटलाइट प्रालिया लाइसेन्स खारेज यायेगु दूरसञ्चार प्राधिकरणया निर्णय सर्वोच्च अदालतं सदर याःगु दु । थ्व टेलिकम्पनी व्यापारी अजयराज सुमार्गीया खः । प्राधिकरणं स्याटलाइट कम्पनीयात बिउगु अनुमति वंगु भदौं ५ गते खारेज याना बिउगु खः ।

थ्व स्वयां न्ह्यः स्याटलाइट कम्पनीयात प्राधिकरणयात बुझे यायेमाःगु ७ करोड १० लाख ६८ हजार तक भदौं १ गते दुने पुलेत साउन १७ गते पौ च्वःगु खः । प्राधिकरणया निर्णय चित्त बुझे मजूसा सरकार समक्ष उजुरी यायेगु व्यवस्था दयेक दयेकं अथे मयासें सुमार्गी सर्वोच्च अदालत वनाः रिट तःगु खः ।

सर्वोच्चं धाःसा प्राधिकरणं धाथें ध्यबा मपूसें आलटाल याःगु धासें समार्गीया रिटय् अन्तरिम आदेश बीत अस्वीकार याःगु खः । सर्वोच्चया जारी याःगु आदेशय् ‘अनुमति पौ खारेज याःगु अवस्थाय् चित्त बुझे मजूगु अवस्थाय् व्यक्तिं सरकार समक्ष उजुरी यायेदइगु अवस्था तकं दुगु व थम्हं पुलेमाःगु ध्यबा मपूसे आलटाल याःगु अवस्थाय् कानुन बमोजिम कारबाही व लिच्वः फयेमाःगु स्वभाविक व नियमति प्रक्रिया जुइ ।’

सर्वोच्च धयातःगु दु, ‘अथे जुयाः सुविधा सन्तुलनया दृष्टिं विचाः यायेबलय् निवेदकया माग बमोजिम अन्तरिम आदेश जारी यायेगु मनासिव खनेमदु । मेगु कानुन कथं याःसां जिउ ।’

सम्बन्धित बुखँ

LEAVE YOUR COMMENTS