ने. सं. ११४६ बछलागा तृतीया -

आः एमाले व एस मिले जुइ ला ?

येँ (नेपालभाषा टाइम्स)- राष्ट्रपति चुनावया लागिं नेकपा (एमालें) थःलिसे मिले मजूगु पार्टीतय्त समेत पौ च्वयाः भोट फ्वनेगु ज्या याःगु दु । थ्व झ्वलय् एमालें थःपाखें कुचा दला वंगु माधव नेपाल नेतृत्वया नेकपा (एकीकृत समाजवादी) यात पौ च्वयाः भोट फ्वंगु दु । थ्व पौ च्वयाः एमालें नेकपा (एस) यात नं न्हापांखुसी पार्टीया मान्यता बिउगु दु ।

एमालेया थ्व पौ लिपा आः एमाले व एस निगू पार्टी हानं छगू जुइगु खः लाकि धकाः नं अनुमान शुरु जुया वःगु दु । एमालेया पौयात एसं नं लिसः बिसें आः भोट बी मफइगु खःसां लिपा सहकार्य धाःसा याये फइ धया छ्वःगु दु । यदि थ्व एमाले व एस मिले जुल धाःसा संसदया दकलय् तःधंगु पार्टी जू वनी । अज्याःगु अवस्थाय् देय्या सत्ता समीकरण हानं हिले फइगु खँ धयाहःगु दु ।