‘लुँ काण्डय् न्ह्याम्ह हे जूसां कारवाही जुइ’

येँ (नेपालभाषा टाइम्स)- उपप्रधान लिसें गृहमन्त्री नारायणकाजी श्रेष्ठं अवैध लुँ हःपिं न्ह्याम्ह हे जूसां कारबाही यायेगु खँ धयादीगु दु ।

बुधवाः १०० केजी लुँ बरामद जुइधुंकाः म्हिगः त्रिभुवन अन्तर्राष्ट्रिय विमानस्थल भन्सार कार्यालय व अध्यागमन कार्यालयया अनुगमन याः झाःम्ह गृहमन्त्री श्रेष्ठं बरामद जूगु अवैध लुँ प्रकरणया दोषी न्ह्याम्ह हे जूसां कारबाही यायेगु धकाः प्रतिबद्धता प्वंकादीगु खः ।

अनुगमन लिपा सञ्चारकर्मीयात प्रतिक्रिया बिसें वय्कलं लिपा लिपा थज्याःगु घटना जुइके मबीत न्हूगु योजना दयेकेगु प्रतिबद्धता नं प्वंकादीगु दु । भ्रष्टाचार व अपराधया अनुसन्धानय् गुगुं नं कथंया कसर मल्यंकेगु धासें वय्कलं लुँ आयातया घटनायात हांनिसें
ल्यहेँ थनाः दोषीयात कारबाही यायेगु खँ नं धयादिल ।

थ्व काण्डय् गुलिसिनं धाःसा न्हापा न्हापा थें गृह मन्त्रालयया नं कनेक्सन दयेमाः धकाः आशंका यानाच्वंगु दु ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित