कन्या मन्दिरय् नेपालभाषा न्ह्यसः लिसः कासा

येँ(नेपालभाषा टाइम्स)÷ईलोहं प्रकाशनया ग्वसालय् व नेपालभाषा शिक्षण सहायक परोपकार पुचःया ग्वसालय् थनया न्ह्यःखाय् च्वंगु कन्या मन्दिर माध्यमिक विद्यालयय् ईलोहं नेपालभाषा न्ह्यसः लिसः कासा वंगु विहीवाः जुल ।

नेपालभाषा शिक्षण सहायक परोपकार पुचलं ब्वंका वयाच्वंगु ब्वनेकुथिया दथुइ जूगु न्ह्यसः लिसः कासाय् कन्या मन्दिर मा. वि., नेपाल आदर्श मा. वि., जे. पि. हाइस्कुल, बालसेवा मा. वि., महेन्द्र राष्ट्रिय मा. वि., श्री नव जागृति मा वि, तरुण मा वि, कुलेश्वर मा. वि.,श्री टंगाल मा वि, ज्ञानोदय मा. वि., शान्तिशिक्षा मन्दिर, श्री सर्वेश्वर आधारभूत विद्यालय, ईश्वर प्रा. वि., राष्ट्रिय आधारभूत वि, लोकहित आधारभुत वि, महेन्द्र बौद्ध मा. वि., श्री कमल आधारभूत विद्यालय, पंचकन्या मा. वि., श्री कृष्णमन्दिर आधारभूत वि, गीतामाता मा. वि., नन्दि मा. वि. व धुम्रवराह मा. वि.लगायत नीनिगू ब्वनेकुथिं कासाय् ब्वतिकाःगु खः ।

प्यंगू व न्यागू तगिंया छम्ह छम्ह ब्वँमियात दुथ्याकाः जूगु कासाय् येँ महानगरपालिकां लागू यानातःगु स्थानीय पाठ्यक्रम ‘येँ देय् म्हसीके’या उगु हे तगिंया सफूपाखें न्ह्यसः लिसः दयेकाः कासा याःगु खः । निगू चरणय् न्ह्याःगु कासाया फाइनलयु कन्या मन्दिर मा.वि न्हाप, शान्ति शिक्षा मन्दिर मा.वि. लिउ, ज्ञानोदय मा.वि. लियांलिउ व सर्वेश्वर आधारभूत विद्यालयं हःपाः सिरपाः त्याकेत ताःलाःगु दु ।

येँ महानगरपालिका शिक्षा विभागया शिक्षा अधिकारी रामप्रसाद सुवेदीं कासाय् त्याःपिंत सिरपाः लःल्हानादीगु खःसा ज्याझ्वः ईलोहं प्रकाशनया व्यवस्थापक नापं परोपकार पुचःया संयोजक दर्शनवीर शाक्यया सभापतित्वय् जूगु खः ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत