स्वनिगलं पिहांवनेबीगु निर्णय सरकारं लितकाल

येँ – सरकारं स्वनिगः दुने अलपत्र लानाच्वंपिंत कन्हय् व कंस स्वनिगलं पिहांवनेबीगु धकाः याःगु निर्णय रद्द याःगु दु ।

कोरोना रोकथाम उच्चस्तरीय समितिया संयोजक ईश्वर पोखरेलया नेतृत्वय् च्वंगु मुँज्यां स्वनिगलं पिहांवनेमबीगु निर्णय याःगु खः । थ्वस्वयां न्ह्यः सरकारं चैत ११ गते अचानक लकडाउन यायेवं आपालं मनूत स्वनिगः दुने लानाच्वंगुलिं उमित पिहांवनेबीगु निर्णय याःगु खः । तर सरकारं उकीया बारे निर्णय जूगु मखुसें सहलह जक जूगु खँ धाःगु दु ।

स्वनिगलं पिहांवनेबीगु बुखँ वयेवं यातायात मन्त्री बसन्त नेम्बाङं तत्काल पिहांवनेगु व्यवस्था मिले यायेमफइगु प्रतिक्रिया बिउगु खःसा प्रदेश नं. ५या मुख्यमन्त्री शंखर पोखरेलं नं उगु निर्णययात कयाः असन्तुष्टि प्वंकूगु खः ।

सरकारं विशेष यानाः ज्यालादारी मजदुरतय्त समस्या जूगु व गुलिखें मनूत लकडाउनया इलय् तकं स्वनिगलं पिने न्यसिवनेगु सुरु याःगुलिं उमित स्वनिगलं पिहांवनेबीगु बारे सहलह याःगु खः ।