दकलय् अप्वः येँ व दकलय् म्हो भरतपुरया बजेट
येँ – देय्या खुगूमध्ये न्यागू महानगरपालिकां वइगु आर्थिक दँया निंतिं बजेट सार्वजनिक याःगु दु । येँ, यल, भरतपुर, विराटनगर, वीरगंज व पोखरा लेखनाथ यानाः खुगू महानगरपालिकामध्ये यल महानगरपालिका छगुलिं बजेट सार्वजनिक याःगु मदुनि । आतक बजेट सार्वजनिक याःगु न्यागू महानगरपालिकामध्ये भरतपुर महानगरपालिकां दकलय् म्हो बजेट सार्वजनिक याःगु दु ।
भरतपुर मनपां आर्थिक दँ ०७५÷७६ या निंतिं स्वंगू अर्ब स्वीप्यंगू करोड न्यागू लाख तका बराबरया आयव्यय प्रस्तु याःगु खः । भरतपुर मनपाया बजेट पूँजीगत स्वयां चालू खर्च अप्वः दु । येँ महानगरपालिकां दकलय् मध्ये अप्वः १३ गू अर्ब निगू करोड झिंनिगू लाख स्वीन्हय्द्वः तकाया बजेट प्रस्ताव याःगु दु ।
अथे हे पोखरा लेखनाथं ५ अर्ब ५३ करोड ६५ लाख, वीरगंजं ४ अर्ब ९४ करोड ३१ लाख ७७ हजार, विरा टनगरं ४ अर्ब ४७ करोठ ८ लाख ४९ हजार तका बराबरया बजेट सार्वजनिक याःगु दु । यल मनपां असार २५ गते बजेट सार्वजनिक यायेगु निर्णय याःगु दु ।
LEAVE YOUR COMMENTS