उपप्राध्यापक अय्लाखय् लठ्ठ जूबलय्

येँ (नेपालभाषा टाइम्स)= नेपाल कमर्श क्याम्पसया छम्ह उपप्रध्यापकयात मिसापिं विद्यार्थीतय्त यौन दुव्र्यवहार याःगु द्वपं लाःगु दु । उपप्रध्यापक महेन्द्र आचार्यं शैक्षिक भ्रमणया इलय् यौन दुव्र्यवहार याःगु खँ पिहां वःगु खः । शैक्षिक भ्रमणय् वंपिं विद्यार्थीतय्सं हे उपप्राध्यापक आचार्यविरुद्ध यौन दुव्र्यवहारया उजुरी बिइवं थ्व खँ सार्वजनिक जूगु खः ।

क्याम्पसया बिबिएमया खुगूगु सेमेस्टरया विद्यार्थीतय्सं आचार्यविरुद्ध क्याम्पस प्रमुखयाथाय् उजुरी बिउगु खः । शैक्षिक भ्रमणया झ्वलय् माघ १३ गते चितवन वंगु इलय् आचार्यं मिसापिं विद्यार्थीतय्त यौनदुव्र्यवहार याःगु खँ धाःगु दु । शैक्षिक भ्रमणय् वंपिं ३७ म्ह विद्यार्थीपिं मध्ये ३६ म्हेसिनं थ्व उजुरी बिउगु खः ।

उजुरीइ उपप्राध्यापक आचार्यं छात्रापिनि संवेदनशील अंगय् स्वयाः ‘हटी पाई’ धकाः धाःगु, छम्ह छात्राया जबर्जस्ती चुरोट त्वंकेत स्वःगु, अय्लाः त्वनाः लठ्ठ जुयाः छात्रातय्त घय्पुयाः संवेदनशील अंगय् ल्हाः तःवःगु, म्हुतु ल्हाःगु धासें उजुरी बिउगु खः ।

अय्लाखं कःम्ह अर्यालं विद्यार्थीत प्याखं हुलाच्वंथाय् वयाः छात्रतय्त चिइकाः छात्रातय्त जक प्याखं हू धाःगु, प्याखं हुलाच्वंपिं छात्रातय्त ‘टाइट हग’ यानाः ‘तू चिज बडी मस्त मस्त’ धकाः धाःवःगु खँ उजुरीइ धयातःगु दु ।