ने. सं. ११४६ बछलागा तृतीया -

सार्वजनिक गाडीइ च्वनेत फेस शिल्ड अनिवार्य

येँ (नेपालभाषा टाइम्स) – आवंलि सार्वजनिक गाडीइ च्वनेबलय् फेस शिल्ड (भाइजर) नं अनिवार्य रुपं तयेमाःगु जूगु दु। यातायात व्यवस्था विभागं म्हिगः छगू सुचं जारी यासें यात्रुतय्सं थःम्हं हे व्यवस्था यानाः फेस शिल्ड तयाः जक सार्वजनिक गाडीइ यात्रा यायेत धाःगु खः । विभागं वंगु असोज २६ गते हे सार्वजनिक गाडीं पूरा सिटय् यात्रु तयेदइगु निर्णय याःगु खः । थ्व निर्णय लिपा बसय् च्वनीपिं यात्रुत नापनापं लाइगु जूगुलिं आः फेस शिल्ड अनिवार्य याःगु खः । फेस शिल्ड तयेबलय् भौतिक दूरी कायम यायेमफुसां थुकिं कोरोना संक्रमण न्यंकीगु जोखिमयात म्हो यानाबीगु खँ विभागं धाःगु दु । अथे हे विभागं आः फुक्कं सिटय् यात्रु तयेदइगु जूगुलिं अप्वः भाडा मपुलेत नं धाःगु दु ।