बागलुङया संक्रमित नं अस्पतालं डिस्चार्ज
येँ – कोरोना भाइरसाया संक्रमण जूम्ह बागलुङया ६५दँया मिसायात नं अस्पतालं थौं हे डिस्चार्ज याःगु दु ।
धौलागिरी अञ्चल अस्पताल बागलुङया आइसोलेसन वार्डय् वासः याकाच्वम्ह मिसया फुक्कं परीक्षणया रिपोर्ट नेगेटिभ वयेवं अस्पतालं थौं हे डिस्चार्ज याःगु खः । कन्हय् जक डिस्चार्ज यायेगु खँ दुगु खःसां अस्पताला आन्तरिक नापं जिल्ला सुरक्षा समिति नाप मुँज्याः च्वनाः थौं हे हिस्चार्ज याःगु खः ।
बागलुङ नगरपालिका-३ गौंडाकोटाय् छेँ जूगु उम्ह मिसा चैत १९ गते अस्पताल भर्ना जूगु खः । वय्कः चैत ४ गते बेल्जियमं कतार एयरपाखें नेपाः वःम्ह खः । उगु हे बिमानय् च्वना वःम्ह १९दँया प्रसिद्धि श्रेष्ठयात नं थौं हे अस्पतालं डिस्चार्ज याःगु खः ।
LEAVE YOUR COMMENTS