मंगलवाः निसें वा वइगु सम्भावना

येँ (नेपालभाषा टाइम्स)- मंगलवाः निसें देय्या थीथी थासय् वा वये फइगु प्रक्षेपण याःगु दु । जल तथा मौसम विज्ञान पूर्वानुमान महाशाखाया कथं कन्हय् पश्चिम नेपालं मौसम प्रणाली नेपाः दुहां वइ । मौसमविद् सञ्जिव अधिकारीया कथं हिउँदे मौसम फेब्रुअरी महिना तक खःसां नं आः हिउँदया बछि ई फुइधुंकूगु दु ।

गलवाः बहनीनिसें पश्चिमपाखे वा वइगु प्रणाली दुहां वइ । थुकथं दुहां वःगु मौसमी प्रणाली निन्हु स्वन्हु तक च्वनी । वा वयाः हिमाली क्षेत्रय् च्वापु गाये फइगु अनुमान नं महाशाखां याःगु दुसा तच्वकं वा धाःसा मवइगु खँ धाःगु दु ।