आरआरआरयात क्रिटिक्स च्वाइस अवार्ड

एजेन्सी- भारतीय फिल्म ‘आरआरआरं’ उत्कृष्ट विदेशी भाषाया फिल्म व थुकिया म्ये ‘नाटु नाटुं’ उत्कृष्ट म्येया क्रिटिक्स च्वाइस अवार्ड त्याकूगु दु । निन्हु न्ह्यव जक नाटु नाटुं गोल्डेन ग्लोबय् नं उत्कृष्ट विदेशी भाय्या म्येय्पाखे अवार्ड त्याकूगु खः ।

क्रिटिक्स च्वाइस अवार्ड अमेरिकन क्यानेडियन क्रिटिक्स च्वाइस एशोसियसनं बिइगु विश्वया प्रतिष्ठित अवार्ड खः । क्रिटिक्स च्वाइसया आधिकारिक ट्विटर ह्याण्डलं सोमवाः आरआरआरया निर्माण पुचःयात भिंतुना देछासें अवार्ड त्याकूगु जानकारी बिउगु खः । अथेहे आरआरआरया ट्विटरय् उत्कृष्ट म्येया उपाधी नं त्याकूगु जानकारी तःगु खः ।

अवार्ड त्याकेवं फिल्मया निर्देशक एसएस राजामौलीं थःगु जीवनय् दुम्ह मिसायात सुभाय् धासें धाःगु दु, ‘जिमि गुम्हेसिनं जितः स्कूलया शिक्षाय् जक मखु, कमिक्स व बाखं सफू ब्वनेत हःपाः बिल, वयात यक्व यक्व सुभाय् ।’

ब्रिटिस साम्राज्यवादविरुद्ध ल्वाःपिं याःपिं निम्ह क्रान्तिकारीतय् बाखं दुगु थ्व फिल्मय् दक्षिण भारतीय फिल्मया सुपरस्टार रामचरण व जुनियर एनटिआरया मू भूमिका दु । थ्व फिल्म भारतय् दयेकूगु दकलय् थिकेगु फिल्म मध्ये छगू लाः ।