ने. सं. ११४६ बछलागा चौथी -

ख्यालि न्हिली

मिजं ः आइ लभ यु !
मिसा ः जि न्हापा हे ब्वाइफ्रेन्ड दु ।
मिजं ः वयात सेकेन्ड ह्यान्ड बजारय् मिया बिउ । पुलांगु वन धाःसा हे जक न्हूगु वइगु ला खः नि !
ह्ह्ह्
छम्ह मिजं भुतुलिइ वन । ग्यास अन यात । प्रेसरकुकर देछुत । छपाः सेल्फी कयाः फेसबुकय् पोष्ट यात अले थथेच्वल ः ‘जिम्ह कलाः थःछेँय् वंगु दु, जितः च्या त्वने मास्ति वयाच्वन, कुकरय् ग्वक्वः सिटी वयेकेमाः ….. ?’
ह्ह्ह्
कलाः ः छितः छता खँ धाये । न्हापां धयादिसँ कि छि तं चायादीमखु ।
भाःत ः का, तं चायेमखु, खँ छु खः ?
कलाः (ग्याग्यां) ः जिगु हिराया अंगू तन, गुगु अंगू छिं जितः बर्थडे गिफ्ट धकाः बिउगु खः ।
भाःत ः छगू हे जक शर्तय् जिं छंत माफी बी फइ ।
कलाः छु शर्त ?
भाःत ः आवंनिसें छं जिगु खल्तीइ गबलें नं ल्हाः तयेमखु धाः । छाय्कि छंगु अंगू जिगु खल्तीइ लुया वःगु दु ।