बुगीवुगीया उपाधि विजेताया विजयोत्सव

यल- टेलिभिजन डान्स रियालिटी शो ‘बुगीवुगी’या न्हापांगु सिजनया उपाधि विजेता कविता नेपालीं थःगु विजयोत्सव माने याःगु दु । थम्हं अध्ययन याःगु सामुदायिक विद्यालय श्री शान्ति विद्याश्रमया शिक्षक व विद्यार्थीतय् दथुइ कवितां विजयोत्सव माने याःगु खः ।
कक्षा १२ तक अध्ययन याःगु विद्यालयया शिक्षक व विद्यार्थीतय्सं कविताया सम्मानय् छगू विजय जुलुसयासें यल देय् चाःहिइकूगु खः ।

उगु इलय् विद्यालयया प्रधानाध्यापक दिव्यमणि ज्ञवालीं थम्हं ब्वंकाम्ह विद्यार्थीं देय्या हे बिउगु विशेष योगदानं थःत हे अप्वः आत्मसन्तुष्टि प्राप्त जूगु धयादिसें वइगु दिनय् शिक्षायात निरन्तरता बियाः देय् व थःगु नां अझ च्वन्ह्याकेगु ज्याय् सफलता प्राप्त जुइमा धकाः भिंतुना बियादिल ।

विद्यालय व्यवस्थापन समितिया अध्यक्ष अजरमान जोशीं थःगु विद्यालयया छम्ह विद्यार्थी सेलिब्रिटी जुइत सफल जूगु खँय् लसता प्वंकादिसे श्री शान्ति सामुदायिक विद्यालयय् अध्ययन यानागु धकाः सकलें विद्यार्थी गर्व यानाः धायेत इनाप यानादिल ।

‘थिकेगु निजी विद्यालय वा संस्थागत विद्यालयया तुलनाय् प्रतिभा प्रस्फुटन, गुणस्तर व भौतिक सुविधाया ल्याखं सामुदायिक विद्यालय नं छुं कम मजू धइगु सन्देश न्यंकादिसँ’, व्यवस्थापन समितिया अध्यक्ष जोशीं धयादिल, ‘थ्व ब्वनेकुथिइ शताब्दी पुरुष सत्यमोहन जोशी नं योगदान दु । सामुदायिक विद्यालयया भविष्य थप च्वन्ह्याकेत थः थें हे मेपिं प्रतिभा पित हयेगु ज्याय् नं योगदान बियादिसँ ।’

विद्यालयया शिक्षिका गोमा भुजेल नं थःगु नुगःखँ तयादीगु खःसा कविता थापां थःत थन तक हयेगु ज्याय् ग्वाहालि यानादीपिंत सुभाय् देछानादीगु खः । एपी वान टेलिभिजनं प्रशारण जूगु अन्तर्राष्ट्रिय डान्स रियालिटी शोलय् थापां थः प्रतिस्पर्धी स्वयां अप्वः भोट हयाः विजयी जुइत सफल जूगु खः ।

सम्बन्धित बुखँ

LEAVE YOUR COMMENTS