मानव बेचबिखनय् नं चिनियाँत
येँ (नेपालभाषा टाइम्स)÷मानव बेच बिखन व ओसारपसार याःगु द्वपनय् निम्ह चिनियाँ नागरिकयात प्रहरीं ज्वंगु दु । ज्वंपिनि नां चेन याङ व रुआन चाओहोङ खः । ज्वंपिं मध्ये छम्हेसित थँबही व मेम्हेसित त्रिभुवन अन्तर्राष्ट्रिय विमानस्थलं ज्वंगु खः ।
उमिसं स्वम्ह नेपाःमि नागरिकयात फ्रि भिसा व फ्रि टिकटय् लाओसय् अनलाइन सेल्स मार्केटिङया ज्याय् तया बीगु व लछिया १ हजार निसें १५०० डलर तक कमाइ जुइ धासें प्रलोभनय् लाकाः वंगु भदौ १७ गते येँनं भारत, थाइल्याण्ड जुयाः लाओस थ्यंकूगु खः ।
अन थ्यंकेधुंकाः बिट क्वाईनय् लगानी याकेगु निंतिं गैरकानुनी ज्या याकेगु व निला तक ज्या याकाः अःखतं पीडितपाखे हे ३ लाख ९० हजार तका ध्यबा कयाः लाओसय् तसकं मानसिक यातना बिउगु यानाच्वंगु द्वपं पीडिततय्सं बिउगु दु । थःथितिपिनिगु ग्वाहालि कयाः थ्व पीडितत वंगु कार्तिक २५ गते नेपाः लिहां वःगु खः ।
अवैध लुँ सहित सुडानी नागरिक ज्वन
अथे हे त्रिभुवन अन्तर्राष्ट्रिय विमानस्थलं १९ किलो अवैध लुँ सहित सुडानी नागरिकयात ज्वंगु दु । सुडानी नागरिक मोहम्मद अहमद डफल्ला साराफेल्डिनयात लुँ सहित ज्वंगु खः ।
LEAVE YOUR COMMENTS