ने. सं. ११४६ बछलाथ्व तृतीया - अक्षय तृतीया, भिक्षु प्रज्ञानन्द महास्थविरया १२६ क्वःगु बुदिं

डोटेली समाजया हिदान ज्याझ्वः

येँ – डोटेली समाज काठमाडौंया ग्वसालय् वंगु शनिवाः थनया न्हू बानेश्वरय् छगू हिदान ज्याझ्वः जुल । हिदान ज्याझ्वलय् मूपाहांकथं नेपाल स्वयमसेवी रक्तदाता समाजया केन्द्रीय अध्यक्ष प्रेमसागर कर्माचार्य झायादीगु खः । अप्वःथें ज्याझ्वःया मूपाहांपाखें उलेज्या यानाः न्ह्याकीगु खःसा न्हू बानेश्वरस्थित रत्न राज्यलक्ष्मी उमाविया प्रांगणय् जूगु हिदान ज्याझ्वलय् मूपाहां कर्माचार्यं हिदान यानाः ज्याझ्वः क्वचायेकूगु खः ।

उगु इलय् वय्कलं १५७ क्वः हिदान यानादीगु खः । समाजया अध्यक्ष जगदीश केसीया सभापतित्वय् जूगु वृहत हिदान ज्याझ्वलय् मुक्कं ११० म्हेसिनं हिदान यानादीगु खःसा डोटेली वासिन्दातय्पाखें समाजं मूपाहां कर्माचार्ययात हनापौ लःल्हासें अभिनन्दन नं याःगु खः ।