पार्किङ बन्द यायेवं बागबजाः तनावग्रस्त

येँ (नेपालभाषा टाइम्स)÷येँ महानगरपालिकां सतकया सिथय् पार्किङ निषेध यायेवं बागबजाःया व्यापारीत आन्दोलनय् कुहां वःगु दु । स्थानीय व्यापारीतय्सं म्हिगः बागबजाः क्षेत्र हे बन्द यानाः मनपाया निर्णयया विरोध याःगु खः ।

सतक सिथय् पार्किङ याये दयेमाःगु माग यासें व्यापारीतय्सं सतक व पसः बन्द यानाः आन्दोलन याःगु खः । व्यापारीतय्सं महानगरं विकल्प मबिसे सतक सिथय् चले जुया वयाच्वंगु पार्किङयात पनेगु ठीक मखु धासें व्यापारीतय्सं विरोध याःगु खः । व्यापारीतय्सं सतक सिथय् पार्किङ याये मदइगु खःसा थःपिनिगु व्यवसाय बांलाक सञ्चालन हे याये मफइगु व ज्या त्वःतेमाःगु अवस्था वइ धासें विरोध याःगु खः ।