एमाले दुने नं एमसीसीया अलमल

येँ – विवादित एमसीसी सम्झौतायात कयाः प्रमुख प्रतिपक्षी एमाले दुने नं फरक सः पिहां वःगु दु । एमाले पार्टीया नं छुं सांसदतय्सं लोकतन्त्र व राष्ट्रियता स्वयां तःधंगु एमसीसी मखु धासें संशोधन बिना पारित याये मजिउगु खँ धयाहःगु दु ।

एमाले छगू जिम्मेवारी पार्टी जूगुलिं एमसीसीया बारे मौन च्वनेगु घातक जुइ धासें जनभावना अःखः वनेत व थःगु हे धारणा दयेकेत लिबाके मजिउगु खँ नं सांसदतय्सं धाःगु दु । तर अध्यक्ष केपी ओलीं धाःसा एमसीसी बारे पार्टीं उपयुक्त इलय् उपयुक्त निर्णय याइ धासें आः हथाय् चायेम्वाःगु खँ धयादीगु दु ।

म्हिगः च्वंगु एमाले संसदीय दलया बैठकय् न्ववाःपिं अप्वः धइथें सांसदतय्सं एमसीसीप्रति जनताया दृष्टिकोण सकारात्मक मदु धासें संशोधन मयासे पारित यायेगु कुतः यात धाःसा एमालेयात जनतां स्वइगु दृष्टिकोण बांलाः मजुइगु खँ नं धाःगु खः । सांसदपिं भीम रावल, घनश्याम भुसाल, महेश बस्नेत, गोकुल बाँस्कोटा, झपट रावल, विमला विश्वकर्मा व नवराज सिलवालपिसं एमसीसी बारे धापू तःगु खः । नेता भीम रावलं एमसीसीया बारे लिखित मत तसें एमसीसी दुने राष्ट्रघाती प्रावधान दुगु बिचाः न्ह्यथनादीगु खः ।

नेता रावलं एमसीसी बारे पार्टीं स्पष्ट धारणा दयेकेमाःगु धासें एमसीसीया राष्ट्रघाती प्रावधानया विरुद्ध व राष्ट्रिय हितया पक्षय् धारणा दयेकेमाःगु खँ धयादीगु दु । बैठकय् नेता रावलं धयादिल, ‘अर्थ मन्त्रालय अन्तर्गतया छगू विकास समिति अन्तर्गतया ज्याकू धायेगु तर फुक्कं मन्त्रालयय् वनाः समानान्तर सरकार थें निर्देशन बीगु छु खः थ्व ?’

सम्बन्धित बुखँ

LEAVE YOUR COMMENTS