साइबर ठगत हानं सक्रिय

येँ (नेपालभाषा टाइम्स)÷नेपाल प्रहरी साइबर ब्युरों प्रविधिया दुरुपयोग यानाः ठगे यायेगु ज्या अप्वया वनाच्वंगु धासें सर्वसाधारण जनतायात सचेत जुइत इनाप याःगु दु । वंगु छुं इलंनिसें व्यक्ति व आपराधिक पुचलं प्रविधिया दुरुपयोग यानाः सामाजिक सञ्जाल पाखें थीथी प्रवृत्ति नालाः ठगे यायेगु ज्या न्हिथं अप्वया वनाच्वंगु लूगु धासें सजग जुइत इनाप याःगु खः । ब्युरोया प्रहरी उपरीक्षक लिसे प्रवक्ता पशुपति कुमार रायं म्हिगः छगू प्रेस विज्ञप्ति जारी यासें उगु इनाप यानादीगु खः ।

ब्युरोया कथं अनलाइनय् म्हसिउििपं पासां गिफ्ट छ्वयाहये धकाः प्रलोभनय् लाकीगु व उगु गिफ्ट कायेत ट्याक्स क्लिअरेन्स यायेमाः धासें ध्यबा फ्वनेगु यानाच्वंगु खँ धाःगु दु । उकथं हे चिठ्ठा लाःगु व उगु चिठ्ठा कायेगु नितिं ट्याक्स क्लिअरेन्स यायेमाःगु धासें ध्यबा फ्वनेगु यानाच्वंगु खँ नं
ब्यूराें धाःगु दु ।

उकथं हे सामाजिक सञ्जाल ह्याक यानाः प्रयोगकर्ताया सतीम्ह पासायाके ध्यबा फ्वनेगु, जरुरी कोड नम्बर छ्वयाहयागु दु धकाः वान टाइम पासवर्ड (ओपीटी) फ्वनाः सम्बन्धित खातावालाया खातां ध्यबा लिकायेगु थें ज्या जुयाच्वंगु लूगु खँ नं ब्यूरो धाःगु दु ।

सम्बन्धित बुखँ

LEAVE YOUR COMMENTS