सन्दीपयात पुर्पक्षया निंतिं कारागारय् तयेत आदेश

येँ (नेपालभाषा टाइम्स) नाबालिगयात बलात्कार याःगु द्वप लानाच्वंम्ह नेपाः राष्ट्रिय टिमया निलम्बित कप्तान सन्दीप लामिछानेयात पुर्पक्षया निंतिं कारागारय् तयेत अदालतं आदेश बिउगु दु । शुक्रवाः जूगु थुनछेक बहस लिपा येँ जिल्ला अदालतया न्यायाधीश माधवप्रसाद घिमिरें लामिछानेयात केन्द्रीय कारागार चलान यायेत आदेश बिउगु खः । मुद्दायात कयाः जूगु बहसया लिच्वः मवःगुलिं लामिछानेयात कारागारय् तयेत अदालतं आदेश बिउगु खः ।

नाबालिगयात बलात्कार याःगु द्वपनय् लामिछानेयात १० निसें १२ दँया कैद माग यासें सोमवाः मुद्दा दर्ता जूगु खःसा मंगलवाः निसें बहस शुरु जूगु खः । पीडितं लामिछानें थःत जबरजस्ती याःगु धकाः धयाच्वंगु दुसा लामिछानें धाःसा द्वपं अस्वीकार यानाच्वंगु दु ।

मुद्दाया निर्णय मजूतले लामिछानेयात कारागारय् तइगु अदालतया प्रवक्तां धाःगु दु । लामिछानेयात सुन्धाराय् च्वंगु केन्द्रीय कारागार तइ ।

सम्बन्धित बुखँ

LEAVE YOUR COMMENTS